REPSOL |EUSKO JAURLARITZA | Euskadiko jasangarritasun energetikoa zabaltzea sustatuko dute

Repsol Fundazioak eta Eusko Jaurlaritzak, Euskadiko Jasangarritasun Energetikoaren Legea zabaltzea bultzatuko dute. 

Iñigo Urkullu lehendakariak eta Antonio Brufau Repsoleko lehendakariak lankidetza hitzarmen bat sinatu zuten Ajuria Enea jauregian, elkarrekin garatzeko energia-eraginkortasuna eta ingurumen-jasangarritasuna sustatzeko, zabaltzeko eta bultzatzeko ekintzak, arreta jarriz euskal gizartean eragin positiboa duten ekimenetan.

Aliantza horri esker, elkarlanean hasiko dira energia-eraginkortasuneko planak garatzen, energia aurrezten eta titulartasun publikoko eraikinetan energia berriztagarriak sustatzen eta ezartzen, baita energia azterketak eta ikuskapenak egiten ere.

Halaber, erakunde biek energiaren arloko proiektu berritzaileak sustatuko dituzte, batez ere digitalizazioarekin zerikusia dutenak, deskarbonizazioan aurrera egiteko, eta bultzatuko dituzte energia iraunkortasunari buruzko prestakuntza, jakintza eta sentsibilizazio jarduerak.