BIZKAIKO FORU ALDUNDIA | Azpiegituretarako eta Lurralde Garapenarenako foru diputatua

BIZKAIKO FORU ALDUNDIA
Azpiegituretarako eta Lurralde Garapenarenako foru diputatua
Imanol Pradales

1. Portuko jarduera Bizkaiko aberastasun-iturri nagusietako bat da. Bizkaia porturik gabe uler liteke?
Bizkaia azaleraz txikia da, baina pisu ekonomiko handia du industria-sektore lehiakorrari eta aldaketetara egokitzen jakin duen enpresa-sareari esker. Testuinguru horretan, bai Bilboko portua bai portuko komunitate logistikoaren profesionaltasuna funtsezkoak dira Bizkaiko hazkunde eta garapen ekonomikorako.
Bizkaia itsasorik gabe, mundurako ate hori gabe, ez litzateke gaur egun dena izango. Itsasoa, industria bezala, funtsezko elementua da gure historia eta gaur egun garena ulertzeko. Bilboko Portuak leku nabarmena du historia horretan; gure “enpresa” zaharrenetako bat da, euskal enpresa-sarearen internazionalizazio handia ahalbidetzen duena, baina baita Estatuko beste leku batzuena ere, gure BPGari ekarpen handienetako bat egiten diona eta bere erreferentzia-ingurunean enplegu zuzen eta zeharrekoa sortzen duena. Horregatik guztiagatik, eta bere ahalmenagatik, Bilboko Portuak funtsezko zeregina izaten jarraituko du gure etorkizunerako.

2. Nola ikusten duzu azpiegitura horren eta bera dinamizatzen duen sektorearen etorkizuna?
Zalantzarik gabe, oso positibo ikusten dut,  mota guztietako krisiak gainditu dituen sektorea delako, eta beti hor egon delako, baita une konplexuetan ere, hala nola pandemian. Gainera, elkarte/klusterraren, enpresen edo administrazioen eskutik lan egiteko duen lankidetza-kultura, bermea da gero eta lehiakorragoa izateko eta etortzear dagoenera egokitzeko. Portuko enpresek, adibidez, jakin zuten elementu eolikoak garraiatzeko eta itsasontziratzeko prestatzen eta egokitzen, eta orain mundu osoan erreferente dira. Egokitze hori erakunde eskudunekin lankidetzan egiten dute beti, eta, kasu honetan, Foru Aldundiak Uniport-ekin batera lan egin du, portuari  garraio hori errazteko, errepide berriak edo porturako sarbideak planifikatzean edo hobetzean egiten dugun modu berean. Lankidetza beti da bermea eta balio erantsia ematen dien balioa.

3. Atzera begira, Hegoaldeko Saihesbide Metropolitarra mugarri eta inbertsio garrantzitsua izan zen. Duela gutxi bigarren fasea amaitu da. Zer abantaila ditu?
Supersur eta AP-68 errepidea lotzen duen konexio berriarekin, Bizkaiak ahalmen handiko errepide berri bat gehitu du, hobeto konektatua, seguruagoa, erosoagoa eta arinagoa. Gainera, lehiakortasunaren ikuspegitik, azpiegitura estrategikoa da, eta horri esker, lurraldeko azpiegitura eta ekoizpen zentro handienetako batzuk konektatzen ditugu: portua, aireportua, teknologia-parkeak, BEC edo industria aldeak eta enpresa-poligonoak. 
Bizkaiarentzat funtsezko ardatza izango da mesetarantz eta mesetatik komunikatzeko. Gainera, Supersur martxan jartzeak, Bizkaiko saihesbide handirantz hurbilduko gaitu,  Supersur saihesbideak eta Getxo eta Portugalete arteko itsasadarraren azpiko tunelak osatuko dutena.  
4. BFAk kanpoko porturako sarbide berria aurreikusten du portuaren Abrako zabalkuntza amaitzen denean? 
Bilboko portua Europa barneko garraio-sarearen eta Europako Atlantikoko korridorearen hamar “core” portuetako bat da, Portugal, Espainia, Frantzia, Alemania eta Irlanda lotzeko gaitasun multimodala duelako. Hala ere, konektagarritasunaren ikuspuntutik, portua Bizkaiko enpresentzat eta inguruko eskualdeentzat Europarekiko lotura bat baino askoz gehiago da, kanpoko merkataritzari egiten dion ekarpenagatik. Badakigu horrek zer esan nahi duen, eta Bizkaiko Foru Aldundia adi egongo da portuaren lurreko konexioen beharrei. Hala aurreikusten du orain izapidetzen ari garen Errepideen II. Planak.

5. Aldundiak beti izan du harreman estua bere portuarekin. Nola ikusten duzu sektorea? 
Portua azpiegitura estrategikoa da. Gainera, enpresa-ekosistema dinamikoa eta puntakoa du. Baina hortik haratago, balio kalkulaezinekoa baita, lehen mailako aktore bihurtu da, lurraldea maila askotan garatzeko, ez bakarrik ekonomikoan. Eta beti lankidetzatik eta eskuzabaltasunez jardunez. Portuak aurre egin behar die energia-trantsizioak, digitalizazioak, zenbait jarduera Asiako mundura lekualdatzeak, lehiakide berriek eta abarrek inposatzen dizkiguten   erronkei. Baina portu dinamikoa eta hazten jarraitzeko gogoa duen profesional-taldea ikusten ditut. Erabateko konfiantza dut Bilboko portuan, portu-sektorean eta bere etorkizunean