BILBOKO PORTUKO AGINTARITZA, PETRONOR, ENERGIAREN EUSKAL ERAKUNDEA, AMSTERDAMGO PORTUA | Elkar aditze memoranduma, Europa barnean hidrogeno berriztagarrirako korridore bat garatzeko

Bilboko Portuak, Amsterdamgo Portuak eta Duisportekoak, EVE, Petronor, Evos Amsterdam eta Zenith Energy Terminals-ekin batera, Elkar Aditze Memoranduma (MoU) sinatu dute, Espainia, Herbehereak, eta Alemania konektatuko dituen hidrogeno berriztagarrirako Europa barneko korridorearen garapena aztertzeko. MoU-a dator Europako Batasunak Europa barneko korridore horiek ezartzeko dituen nahiekin, eta horietan, Espainiako, Alemaniako eta Herbehereetako gobernuek zeregin nabarmena dute.

MoU aurtengo hasieran Bilboko Portuen eta Amsterdamgo Portuen artean egindako akordioan oinarritzen da. Hitzarmen horren bidez, korridore bideragarri bati ekin nahi zaio, Euskadin ekoitzitako hidrogeno berriztagarria eta horren eratorriak Amsterdamgo portura esportatzeko, bertan kontsumitu dezaten. Duisport sartzeari esker, korridore hori zabaldu ahalko da, Amsterdamgo portua Alemaniako merkatura sartzeko atea bihurtuz eta Rin-Ruhr eskualdeko industria-erosle handiei aukera emanez euskal hidrogenoa hornitzeko