AUTORIDAD PORTUARIA DE BILBAO | e-puertoBilbao PCS-en 20 urte

Bilboko Portuko Agintaritzak (BPA) e-puertobilbao plataforma telematikoaren hogeigarren urteurrena ospatu du. Tresna digital hori BPAk bere portuko komunitate osoaren zerbitzura jartzen du, agenteen artean informazioa trukatzeko eta, hartara, portuaren eta bertan lan egiten duten enpresen lehiakortasuna bultzatzeko.

Txaber Goiri BPAko Eraldaketa Digitaleko Saileko buruak ekitaldiari hasiera eman zion, eta e-puertobilbaoren garapena azaldu zuen: “hasieran zerbitzu bat eta 30 enpresa konektatuta izatetik, gaur egun bezeroentzat erreferentzia izatera pasatu da, hogei zerbitzu eta 800 enpresa erabiltzaile inguru baititu”.

Ricardo Barkala Portuko Agintaritzako lehendakariak ekitaldiari amaiera eman zion, eta, orduko lehendakariari José Ángel Corres eskerrak eman zizkion portuko komunitateari zerbitzu hori emateko egin zuen apustuagatik, eta nabarmendu zuen ere “Portuko Agintaritzak berrikuntzaren eta digitalizazioaren alde etengabe egiten duen ahalegina; e-puertobilbao Port Community System plataforma, horren erakusgarri bikaina da”.