AIYON ABOKATUAK | Bere posizioa indartu du Zuzenbide Aeronautikoan eta Espazialean

Aiyon Abokatuak enpresak eutsi egin dio Zuzenbide Aeronautikoan erreferentziazko bulegoa bihurtzeko   egindako apustuari. Esparru horretan duen posizioa indartu egin da Zuberoa Elorriagak, Bilboko bulegoko bazkideak, lortutako kualifikazio berriari esker. Elorriaga, “Zuzenbide Aeronautiko eta Espazialeko Espezialista Graduondoko ikastaroa” delakoaren lehen  promozioan graduatu da. Ikastaroa, Pontificia Comillas Unibertsitateko Zuzenbide Fakultateak (ICADE) ematen du, Zuzenbide Aeronautiko eta Espazialeko Espainiako Elkartearekin (AEDAE) lankidetzan.

Bi erakunde ospetsu horiek abian jarri dute ekimen aitzindari hori, Espainian aireko esparruan  eta  zuzenbide espazialean dagoen prestakuntza defizita  konpontzeko. Esparru bi horiek, tradizioz,  Administrazioak eta beste erakunde publiko batzuek monopolizatu dituzte, liberalizatu den arte. Joan den azaroaren 5ean argi geratu zen Aiyon Abokatuak espezialitate horretan duen interesa eta inplikazioa, Bilboko Zuberoa Elorriaga  eta Algeciraseko José Antonio Domínguez bazkideek  parte hartu baitzuten  Kopenhagen  egindako  Aireko Zuzenbidearen Europako Elkartearen (EALA) 33. urteko Konferentzian. Adituen topaketa horretan, gai hauek landu ziren, besteak beste: estatuko laguntzak eta EBko legeria, Brexitaren eragina, aire-industriaren finantzaketan izandako aldaketak eta abiazio jasangarria.