TUBACEX | 25 milioi eurotan saldu du Tubos Mecánicos banaketa-enpresa

Tubacex-ek azkartu egin du balio teknologiko handiko soluzio integralak hornitzeko plan estrategiko berria, deskarbonizazioaren eta energia garbiak sustatzearen erronkari aurre egiten dion merkatuan.

Horretarako, Tubacex-ek Hierros Añón talde metalurgiko galiziarrari Tubos Mecánicos saldu berri dio, 25 milioi euroren truke. Salmenta horrekin,  egoitza Euskadin duen konpainiak aktibo ez-estrategiko batean desinbertitu du bere balantzea indartzeko eta aurre egiteko energia-trantsizioarekin bat datorren etorkizuneko hazkundeari.

Tubacex egoitza Araban duen talde multinazionala da, eta mundu osoan liderra da altzairu herdoilgaitza eta aleazio handiko produktu tubularrak fabrikatzen.  20 ekoizpen-planta ditu (Espainian, Austrian, Italian, Estatu Batuetan, Indian eta Thailandian, baita Saudi Arabian, Dubain, Norvegian, Kanadan eta Singapurren ere, NTS taldearen bidez), eta  zerbitzu-zentroak mundu osoan, bai  eta bulego komertzialak ere 38 herrialdetan.