Trantsizio energetikoa errepideko garraioan | Hausnarketa jardunaldia

UniportBilbaok hausnarketa jardunaldi bat antolatu du errepideko garraioaren sektoreak trantsizio energetikoaren erronka gainditzeko bidean laguntzen duten irtenbideak ezagutzeko, gaur egungo erregai fosilen erabileratik zero emisioko erregaiak erabiliko dituzten ekipamenduetaraino. Bileran, Errepide Garraio Taldeko eta hari lotutako zerbitzuetako enpresen buruak, Repsol eta Petronor Innovación (Uniport Industria taldeko kideak), baita Energiaren Euskal Erakundeko (EEE) energia-eraginkortasun eta jasangarritasun arloko arduraduna ere.

Lanaldi honetan, garraio-enpresek Repsol eta Petronor mugikortasunaren eta merkantzien garraioaren sektorerako erregai-hornitzaile gisa garatzen ari diren irtenbideak ezagutu ahal izan zituzten. Zehazki, jatorri ez fosileko erregai sintetikoetan (HVO, e-diesel) eta hidrogenoan sakondu zen.

Eztabaidak erregai ekoizleek zein errepideko garraio enpresek jasaten duten ziurgabetasuna nabarmentzeko aukera eman zuen. Lehenengo kasuan, trantsizio honek eskatzen duen inbertsio bolumenagatik eta, bigarrenean, flota berritzeari epe labur eta ertainean aurre egin beharragatik eta, oraindik merkatuan, ez dago egungo errekuntzaren ordezko ekipamendurik. Horregatik, erregai sintetikoak (zero isuri garbiak) Europa mailan zero emisio helbururako trantsizio-erregaitzat hartzeko beharra baloratu zen, baita zergen eta etorkizuneko isurien salerosketan kontuan hartzea ere. 

Azkenik, jardunaldian Repsol eta Petronor garatzen ari diren proiektuen berri eman da, bai Bilboko portuan, bai bere inguruetan (Energy Intelligence Center - EIC), baita etorkizuneko erregaiak hornitzeko garraio sektorearen esku jarriko diren instalazioak ere.