PETRONOR | 58 milioi euro inbertitu ditu finketa-jardueraren %50eko geldialdi orokorrean

Petronorrek 58 milioi euro inbertitu ditu Koke Instalazioaren (URF) geldialdi orokorrean, baita Konbertsio sailaren Hutseko Unitatearenean eta sail horretako beste unitate batzuetan ere. Horrek esan nahi du fintze-instalazioen guztirako jardueraren %50 baino gehiago gelditu dela.

Gelditzeak dakar mantentze-berrikuspenak eta inbertsio teknologikoak egitea instalazioen eraginkortasun energetikoa hobetzeko. Hori guztia bi helburu argirekin: segurtasuna eta berrikuntza, Petronorrek pertsonekiko eta ingurunearekiko duen konpromisoaren ondorioz.

Enpleguari eta jarduera ekonomikoa sortzeari dagokienez, 40 bat enpresa kontratatu dira (%50 Euskadikoak). Aipatutako horiek 1.000 langile inguru jarri dituzte Petronorren eskura lan horiek egiteko, gehienezko egunetan 1.400 langileraino helduz. Langile guztiek, bai Petronorreko ohikoek bai aldi baterakoek, segurtasunari buruzko prestakuntza berezia jaso dute.