Intermodal Southamérica. Bilboko portuaren lehiakortasun-abantailak portuko komunitatearen eskutik

Sao Paulo Brasil | Otsailaren 28tik martxoaren 2ra

Aurten ere, Bilboko portuko komunitateak,  UniportBilbaon bilduta dagoena,  Intermodal South American parte hartuko du. Intermodal South America Hego Amerikako karga, logistika, intralogistika, biltegiratze eta kanpo merkataritzaren sektoreko ekitaldirik handiena da. Nazioarteko topaketa hori otsailaren 28tik martxoaren 2ra egingo da São Paulon, eta UniportBilbaoren eta Asthon Cargo Bilbao/Share Logistics, Debusman Pastrana, E. Erhardt y Cía y Nervión Internacional enpresa elkartuen ordezkariek parte hartuko dute.

G098 standetik, Europa Atlantikora esportatzen edo inportatzen duten Hego Amerikako zamaketariei aurkeztuko dizkiete beren zerbitzu logistikoak, baita deep sea trafikoan duten indarra ere, edozein salgairentzako erantzun logistiko pertsonalizatuak emanez, beren izaera, tamaina, pisua, ontziratzearen konplexutasuna edo tenperatura kontrolatuaren beharra edozein dela ere.

UniportBilbaok adierazi duenez, “Bilboko portuko logistika-portu komunitateak irtenbide pertsonalizatuak eskaintzen ditu era guztietako trafikoetarako, beren ezaugarriak edozein izanda ere”. Halaber, adierazi dute “portuko komunitate honetan lan egiten dugun enpresak bazkide estrategikoak gara, gure bezeroen behar logistikoen zerbitzura”.

2022an, Hego Amerikarekiko trafikoak pandemiaren aurreko mailak gainditu zituen, eta hor, Brasil, Argentina, Uruguai eta Perurekin dagoen merkataritzak zeregin berezia izan du.

Brasil, lehena eskualde geografiko horretako trafikoan, 2,5 milioi tonara iritsi zen. Hori dela eta, portu horretako laugarren kanpo-merkatua da, Estatu Batuen, Errusiaren eta Erresuma Batuaren atzetik. Trafiko horien %85 esportaziokoa izan zen, eta gainerako %15 inportaziokoa eta  bolumenari dagokionez, ontziratu gabeko gai likidoak eta solidoak nabarmendu ziren. Esportazio karga siku nagusiak mineral ez-metalikoak, makineria eta produktu siderurgikoak dira; inportazioan, berriz, nagusi dira soja-babak eta siderurgikoak. Argentina, Uruguay eta Peru nabarmendu dira Bilbora elikagai olioak eta kontserbak bidaltzeagatik eta produktu kimikoak, siderurgikoak eta makineria esportatzeagatik, hori guztia era askotako merkataritza orokor baten barruan.

Bilboko sektore logistikoak merkataritza horri Hego Amerikako portu askotatik/askotara lagundu diezaioke, itundutako ezaugarri komertzialen arabera.

 

 

 

 

 

 

Zure interesekoa izan daiteke...

Ekitaldiak
8 - 10 Abril | Copenhague
UNIPORT representa en WindEurope Copenhague al sector de la logística vasca especialista en componentes eólicos UNIPORT, junto con empresas...
Ekitaldiak
27 de marzo | Zaragoza
Participamos en una nueva edición de ENOC, Encuentro Nacional de Operadores de Cereales acompañados de un grupo de empresas asociadas. Una cita...
Ekitaldiak
20 de febrero | Calahorra (La Rioja)
El pasado 20 de febrero organizamos una jornada en Calahorra con objeto de promocionar los servicios de nuestra comunidad logística en Calahorra...