Hazinnova berrikuntza agente sarearen bilera

Hazinnova berrikuntza-arloko 62 eragileren sarea, Uniport partaide duena, Durangon bildu da gaur Eusko Jaurlaritzako Garapen Ekonomiko, Jasangarritasun eta Ingurumen Sailarekin; Spri Taldearekin eta Berrikuntzaren Euskal Agentziarekin (Innobasque), Hazinnova programaren hirugarren edizioaren emaitzak aztertzeko eta apirilean egingo den hurrengo deialdia prestatzeko.

Hazinnova euskal enpresa txiki eta ertainentzako programa bat da, berrikuntzan lehen urratsa ematen laguntzen diena. Hazinnovaren lehen hiru edizioetan 872 ETEk parte hartu dute, eta 1.091 proiektu garatu dituzte. Enpresen lehentasun nagusiak,  kudeaketa eraginkorra eta merkatuak irekitzea dira.

Uniportek, Hazinnovako agente denak,  portuko komunitateari hurbiltzen dizkio espezietan ematen diren laguntza horiek (50 orduko aholkularitza proiektuko), eta dagoeneko, enpresa bazkide askok jaso dituzte.