Bilbora MSC Roberta heldu da, 4.339 TEU edukierako eta 294 metro luzerako edukiontzi-ontzia.

Asteazken honetan, maiatzak 17, Bilbora heldu zen “MSC Roberta” ontzia, 2017az geroztik portuan geldialdia egin duen edukiontzi-ontzi handienetako bat.

“MSC Roberta” ontzi ozeanikoaz CSP Iberian Bilbao Terminal kontainer-terminala arduratu zen. Operazioa asteartean eta asteazkenean garatu zen, 700 TEUtik gorako esportazio-karga osatu arte, eta lan horretan ere ehunka edukiontzi huts deskargatu ziren eta horiei esker, MSCk 40’-ko ekipo-parkea handitu du, Euskadiko enpresa-sareari zerbitzua emateko.  

Hau izan da ontzi-enpresak maiatzean Bilbon egin duen bigarren aparteko eskala, helburu berarekin: MSCk Bilbon dituen asteroko bi zerbitzuen ahalmena handitzea portuaren eragin-eremuko bezeroen esportazio-eskaerari erantzuteko.

“MSC Roberta”, 4.339 TEUrako edukiera du (2.170 bat trailerren baliokidea) eta, 294 metroko luzera eta 13 metroko zabalera. Ontziak operazioak aurreikusitako denboran amaitu zituen.