BILBOKO PORTUKO AGINTARITZA EBk diru-laguntza emango dio portuko kaiak elektrifikatzeko proiektuari

Bilboko Portuko Agintaritzak eta Europako Batzordeak BilbOPS proiektuari diru-laguntza emateko hitzarmena sinatu dute CEF Transport 2021-2027 laguntza programaren barruan. Diru-laguntza 14 milioi euro baino apur bat  gehiagokoa izango da.

Proiektu hau, Bilboko Portuko Agintaritzarentzat estrategikoa dena eta berari buruzko informazioa argitalpen honen 96. zenbakian ematen zena, zera da: Bilboko portuko linea erregularrak atrakatzeko dituzten kaiak eta gurutzaontzien terminala elektrifikatzea, itsasontziei, portuan dauden bitartean, konexio elektrikoa emateko eta, hala, berotegi-efektuko gasen emisioa %40, eta ingurumenerako kaltegarriak diren bibrazioak eta zaratak murrizteko.

Proiektuaren lehen lizitazioa 2022. urtearen amaieran egingo da eta 2025ean funtzionatzen egongo da. Inbertsioa, guztira, 52 milioi euro ingurukoa izango da. Hori finantzatzeko, Portuko Agintaritzak, orain arte,  4,3 milioi euroko diru-laguntza zuen Suspertze eta Erresilientziarako Mekanismoa diru-laguntzen programan; zehazki, A5 kaian erabiltzeko.