BILBOKO PORTUKO AGINTARITZA

Bilboko Portuko Agintaritzak OPS (onshore power supply) teknologia hedatuko du, 2025ean ontziak elektrizitatez hornitzeko zazpi kaitan zeintzuetan edukiontzi, ro-ro, ro-pax eta gurutzaontzien linea erregularrak atrakatzen duten, eta kai-mutur zentralaren lehen faseko A5 kai berria. Itsasontzien motor osagarriak itzali, eta hala ere, funtsezko zerbitzuak mantentzen jarraitu ahal izateko, lehenengo fasean linea elektrikoak indartu egingo ditu 30 MW eskaintzeko, eta, horretarako, hiru banaketa-zentro, 11 transformazio-zentro eta 11 OPS konexio-puntu instalatuko ditu. Azpiegitura malgua sortzeko, 20 hartune izango ditu zerbitzua emateko, ontziak kaian atrakatzen diren tokia edozein dela ere.

Sistema erabilera anitzekoa izango da, 1 MW eta 12 MW bitartean eskaintzeko, eta, hala, edozein ontzi motari erantzun ahal izateko, bere luzera, GT, diseinua edo trafikoa edozein izanda ere. Proiektuan sistema bat dago akoplamendua “zerotik pasatu gabe” egiteko, hau da, OPS sistemaren sarea ontziaren sarearekin sinkronizatuko da, tentsioa eten gabe.

2022 eta 2023 bitartean kai guztiak berrindartuko dira. OPS instalatzeko lehenengo kaia A5 izango da, eta proiektua 2022an lizitatzea espero da.

Hurrengo fasean, HIDROVAN proiektua garatuko da, energia elektrikoa hidrogenotik abiatuta sortuko duen plataforma flotatzaile mugikorra, Petronor, Tecnalia eta Ferrovialekin elkarlanean. Bere helburua izango da OPS zerbitzua ematea konexio-punturik ez duten kaiei.

BilbOPS izeneko proiektu horri esker, bibrazioak eta zaratez gain, berotegi-efektua eragiten duten gasak %40 murriztuko dira, eta, beste neurri osagarri batzuekin batera, Portuko Agintaritzak espero du emisioak %55 murriztea, hori baita Europako Batasunak 2030erako ezarritako helburua.

Proiektuarekin batera, jarduera elkartuak edo osagarriak egingo dira, hala nola energia berriztagarrietako instalazioak sortzea, elektrizitateak zero emisioko jatorria izan dezan eta horrela, Bilboko portua energia berdeen hub bihurtuz. Energia berdea sortzeko proiektuak eguzki-energia fotovoltaikoa, energia unimotrizekoa eta energia eolikokoa dira.

51,8 MILIOI EUROKO INBERTSIOA

Portuko Agintaritzak 51,8 milioi euroko inbertsio globala egin beharko du proiektuak aurrera egin dezan. Hori finantzatzeko, 4,3 milioi euroko diru-laguntza lortu da, Berreskuratze eta Erresilientzia Mekanismoaren bidez A5 kaiko OPSrako, eta, horrekin batera, beharrezko izapideak egin dira EBren beste kofinantzaketa bat eskatzeko gainerako kaietarako, CEF Transport-en 2021-2027ko laguntzen deialdiaren bidez. Deialdi hori oraindik ez da ebatzi, baina %30eko diru-laguntza ekar dezake; hau da, 14,2 milioi euro. Proiektuaren trakzio-izaera dela eta, enpresa pribatuek inbertsio osagarriak eta gure inguruan soluzio berritzaileak egitea bilatuko da.