ASTHON CARGO, BILADU, TORO Y BETOLAZA KONTSIGNATZEAK TORO Y BETOLAZA, GARRAIOAK | Berrikuntzan akreditatua

Asthon Cargo-k, Biladu-k, Toro y Betolaza Kontsignatzeak eta Toro y Betolaza Garraioak Hazinnova programako enpresa berritzailearen akreditazioa lortu dute. Programa hori  Eusko Jaurlaritzarena, SPRIrena eta  Innobasquerena da eta akreditazioa entregatu zen, Bilboko Ganberan egindako zortzigarren jardunaldian. 

Hazinnova programaren helburua da ETEen artean berrikuntza ez-teknologikoa sustatzea, negozio produktuen eta prozesuen berrikuntza dakarten mikroproiektuen bidez. Horretarako, Innobasquek aholkularitza espezializatuko programa hau eskaintzen die berrikuntzan hasten diren enpresei.

UniportBilbaok, bere lehiakortasun-arloaren barruan, eta kasu honetan, Innobasqueren Hazinnova ekimenaren eragile den aldetik, bere gain hartu du berrikuntza ez-teknologikoa sustatzea Bilboko portuko komunitateko ETEen artean, Bilboko Ganberak  -programa honekin- bere enpresa kideen artean  sustatzen duen bezala.

Hala, enpresa txiki eta ertainek berrikuntzaren alde egin duten lanari esker, Euskadi lehen aldiz kokatu da Europako Batasuneko berrikuntza indizearen  batez bestekoaren gainetik (Euskadiko 103,6, EBko 100aren  kontra), 2021eko Eskualdeko Berrikuntzaren koadroaren arabera.